الرسولة بشعرها الطويل حتى الينابيع

أنسي الحاج من الناس اللي بحبن كتير .. لازلت لهلق بتذكر كيف ضليت تقريبا ً أسبوع .. عم أقرا المقالات اللي بينزلها بالأخبار .. ( فيكن تقروها من هون )
هي لمحة جاهزة عنو .. ( هون )
شخصيا ً .. بحبو لأنو بيكتب خارج السرب .. بأسلوب وفكر وطرح مختلف
بتابع مقالاتو بانتظام غالبا ً .. ورح أنشر ” بشكل متتابع انشالله ” أعماله كلها
منبدا
بالرسولة وشعرها الطويل حتى الينابيع ..

ببساطة أنسي الحاج .. رائع .. هالديوان .. قريانتو ما يفوق العشر مرات
هو قصير كتير .. كلو عبعضو اربعين صفحة .. وبشغلة نص ساعة بيكون انقرا كلو
بينفع الكتاب تهديه لحبيبة لأنو غزل صرف .. لتقلا ببساطة قدي هو بيحترم حضورا بحياتو
بينفع تقراه كل بنت مشان تعرف قدي هي كائن رائع بأنوثتها
بينفع يقراه كل رجل لسى ما أدرك قيمة الأنثى بحياتو ..

الكتاب شغلة من أروع الشغلات الهيك صغنونة وبتعمل وجع راس جميل اللي قريتا بالفترة الأخيرة
أنو حتى اللي ما بيحب يقرا عالكومبيوتر .. يعني نص ساعة هيك يستجمع قواتو ويقراه

رابط الكتاب …

مقتطف .. من الكتاب

يا حبيبتي
أُقسِمُ أنْ أكون لُعبتكِ ومغلوبكِ
أُقسِمُ أنْ أحاول استحقاق نجمتكِ على كتفي
أُقسِمُ أنْ أسمع نداء عينيكِ فأعصي حكمةَ شفتيكِ
أُقسِمُ أن أنسى قصائدي لأحفظكِ
أُقسِمُ أن أركض وراء حبّي وأُقسم أنّه سيظلّ يسبقني
أُقسِمُ أن أنطفىء لسعادتكِ كنجوم النهار
أُقسِمُ أنْ أسْكُن دموعي في يدكِ
أُقسِمُ أن أكون المسافة بين كلمتَي أُحبّكِ أحبّكِ
أُقسِمُ أن أرميَ جسدي الى الأبد لأُسودِ ضجركِ
أُقسِمُ أنْ أكون بابَ سجنكِ المفتوح على الوفاء بوعود الليل
أُقسِمُ أنْ تكون غرفةُ انتظاريَ الغَيْرة ودخوليَ الطاعةَ وإقامتي الذوبان
أُقسِمُ أنْ أكون فريسة ظلّكِ
أُقسِمُ أنْ أظلّ أشتهي أنْ أكون كتاباً مفتوحاً على رِكبتيكِ
أُقسِمُ أنْ أكون انقسام العالم بينكِ وبينكِ لأكون وحْدَتَه فيكِ
أُقسِمُ أنْ أُناديَكِ فتلتفت السعادة
أُقسِمُ أنْ أحمل بلاديَ في حُبّكِ وأنْ أحمل العالم في بلادي
أُقسِمُ أنْ أحبّكِ دون أن أعرف كم أُحبّكِ
أُقسِمُ أن أمشي الى جانبي وأُقاسمكِ هذا الصديقَ الوحيد
أُقسِمُ أنْ يطير عمري كالنّحل من قفير صوتكِ
أُقسِمُ أن أنزل من برقِ شَعْرِكِ مطراً على السهول
أُقسِمُ كُلّما عثرتُ على قلبي بين السّطور أن أهتف:
وَجَدْتُكِ! وَجَدْتُكِ!


كمان في فنانة أسمها ” هبة قواص ” بتغني أغنية كلماتها من هالديوان ..
للي حابب يسمع الأغنية ” كمان رائعة ” :

أغنيك حبيبي ..

بتمنى حدا ينزلو بأخوية 🙂

4 thoughts on “الرسولة بشعرها الطويل حتى الينابيع

Add yours

  1. \”بينفع يقراه كل رجل لسى ما أدرك قيمة الأنثى بحياتو ..\”معناها ما بينفعني 🙂\”بتمنى حدا ينزلو بأخوية :)\”:(مو مهم مين رافع الراي…مهم يلي رافعها يكون بيستاهل شرف رفعها..مهم يلي رافعها يكون عندو القدرة يرفعها بثبات..مهم يلي رافعها يئدر يرفعها بالعالي..مشان كل العالم تشوفا..مو اي \”حدا\” فيه يحمل الراي!.. 😦

    Like

  2. بينفع الكتاب تهديه لحبيبة \”طيب..بينفع تهدي صديقة كمان ?شكرا ميمو عهداياكي الحلوة :)الله يخليلنا ياكي :d

    Like

  3. هلا مايكل .. 🙂 انت ما تقراه خليك هلق بدراستك :pديما .. اي فينك تعتبريه هدية مني ألك وبلامنية حدا أنا نزلتو بأخوية لحالي :p

    Like

  4. \”:) انت ما تقراه خليك هلق بدراستك \”حتى انت يا بروتس ! :p\”وبلامنية حدا أنا نزلتو بأخوية لحالي\”اي شفت..يعني هيك بس الواحد يشوف كاتب الموضوع بترفلاي ..غير :)*هاموش:اسمي كاتبو بالفرنسي ..يعني هلئ في ابن خالتي بئلي مايكل ..بس بحس حالي سمين :dوبنات خالتي بئلولي ميمو..ووئتها بحس حالي كلب صالون…(هيك بحس انا :p ..ليش عم تزوريني)شخصيا بفضل ميشيل 🙂

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Up ↑

%d bloggers like this: