قائمة الكتب " إيار .. لأ وحزيران كمان "

نظرا ً لتجاوز كمية الكتب اللي اشتريتها هالشهر ، النسبة العددية و المالية المقررة ، عقاب لألي أني ما بعرف ضب إيدي .. رح تكون قائمة الكتب اللي اشتريتها هي عن الشهرين أيار وحزيران سوا .. للحق خلصن .


كوليت الخوري :
أوراق فارس الخوري ” جزئين
أيام معه ( انتهيت منها .. وخيبت املي تماما ً .. كنت أعتقد أنها اجمل ، وبعد البحث المضني وقطعها عن الاسواق .. اعتقد انها لا تستحق كل هذه الشهر ) .
أنا والمدى ” قصص قصيرة ”
دمشق بيتي الكبير

وليد المدفعي : ( صديقتي الرائعة .. خلتني حبو بالزور فلازم أقرالو )
وبعدين ؟
مذكرات منحوس أفندي
عالمكشوف

ممدوح عدوان
دفاعا ً عن الجنون ( من وقت ما اشتريت جنون آخر وأعجبت به جدا ً .. بحثت عن دفاعا ً عن الجنون وأخيرا لاقيته )
تلويحة الأيادي المتعبة

إبراهيم الخليل ( عملا ً بنصيحة ياسين .. كان لازم اقرالو .. طبعا بعد عناء في البحث لاقينالو رواية واحدة )
الضباع

جورج أورويل – في الهواء الطلق
( قرأت للكاتب كتابين – 1984 و مزرعى الحيوان ، يدفعانني دفعا ً لشراء كل ما كتب ، )

طوق الياسمين – واسيني الأعرج
( أول شيء سأقرأه لهذا الكاتب .. )

ديوان الأعمال الكاملة لمحمود درويش
( امتلك بعض الدواوين لكنني أعشق اقتناء المجوعات الكاملة )

بعض الهمس يسمع – جوليانه جبلي
( كانت واقفة عم تبيع الكتاب بأمسية موسيقية بالكنيسة وهادا أول ديوان لألها حسيت لو أنا محلها كنت رح حب أني يشترو مني فاشتريته وقريته .. وسأحتفظ برأيي لنفسي 😛 )

وفي كتاب مترجم أنضاف لمكتبتي … هالشهر
هدية من صديق رائع ..
الينابيع ” فيه تمارين وبحاجة لهدوء وهيك وطبعا ً لهيك مابديت فيه لسى ”

خلصت القائمة
انخرب بيتي ..وطار الراتب ..

3 thoughts on “قائمة الكتب " إيار .. لأ وحزيران كمان "

Add yours

  1. دخيلك يعني شو ناطرة من مدام خوري؟دخلك كاتبة كيف كانو نفس اللي هلأ تتملّقهون و تنافق لألهون يعملو المظاهرات ضد جدها لما كان رئيس وزراء و يسبوه و يخونوه (و كمان ممكن نفكر انو ليش البعثيين أيام الديمقراطية كانو كل يوم يطلعو مظاهرات و هلأ ممنوع الواحد يحكي حرف؟) كاتبة كمان انو جدها كان ضد الوحدة مع مصر اللي خربت بيتنا, و انو لما صارت الوحدة اضطر يترك الشام و يروح ع بيروت مشان يخلص من التضييق و الإزعاج تبع الشعبة الثانية تبعيت عبد الحميد السراج (أستاذ كل المخابرات التي جاءت بعده).كاتبة كمان انو هيي راحت معو هريبة ع بيروت و ما ضلت بالشام تتمتع بالوحدة العربية اللي هلأ صارعة سمانا فيها؟كاتبة كمان شو كان يقول جدها عن الوطن؟؟ أي أي الوطن… اللي حسب قول مدام كوليت انو حبو لازم يكون أصغر من حب قائد الوطن \”ع حد تعبيرا\” مشان الواحد يكون مواطن صالح… الله يرحم ترابك يا شيخ فارس.. و يسامحك ع هالتخلفة

    Like

  2. وليد مدفعي بينحب 🙂 ..بس مشان مس كوليت فانا من زمان املي خائب.. :(بس شخصية فارس الخوري شخصية كتير غامضة بالنسبي إلي.. والمعلومات عنو قليلي..وما مندرس شي عنو ابدا..علما أنو عحد ما بسمع كان الو دور سياسي كبير ايام الاستعمار الفرنسي وبتاريخ سوريا بشكل عام..بس ما عندي اي معلومات دقيقة..بسمع بس..وياس اذا في شي مرجعية بتنصحني فيها بكون ممنونك..(سمايلي أبو وردي)

    Like

  3. ياسو أجمل ما في اوراق فارس الخوري انو كتابة فارس نفسو ، كتابة مراحل حياتو ومو بس السياسية هو أشبه بالسيرة الذاتية ، أشك انها كاملة اعتقد انو الرقابة قصت منها كتير خاصة انو دار طلاس اللي نشرت الكتاب بس الكتاب عم يخليني كتير كتير اتعلق فيه لفارس الخوري \” شخصية رائعة \” Michelبخصوص وليد مدفعي مشكلة إذا بقول مو كتير \” للصراحة ما كتير شدني \” بتدبحني شوش إذا ما بتعرف اوراق فارس الخوري بعتقد المرجع الوحيد المتوافر عن فارس الخوري ! 🙂 وفي اللي كاتبه شقيقه بس ما بعرف شو أسمو

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Up ↑

%d bloggers like this: