شعبنا بيلبقلو حرية

©2005-2011 ~JAllenLang

صديقتي ، صديقي .. المقتنع تماما ً ” أنو شعبنا ما بيلبق له حرية ” ،
ما بدي احكيك عن كيف الحرية حق طبيعي لكل إنسان ، ولا بدي فوت معك بهالخطاب اللي انت حاسو حكي مفزلك ، وبأحسن الاحوال حكي مستورد وانت أكيد أن الفشل من نصيبه في حال تطبق ببلدك
بدي احكيك من واقع خبرتي الشخصية ، قبل سنوات ، كنت انا كمان معتقدة انو شعبنا ما بيلبق له حرية ..ومصدقة انو انا من القلة القليلة اللي الحرية بتجي تمام مع لون وشي .. سمعناها وتوراثناها لحتى صدقناها ، وبعرف انت وعم تقول هالجملة أنك متأكد كمان انك من النخبة اللي بيستحقوا الحرية ، بحكم انك مسالم ، حضاري ، بتنتمي لمدينة معينة .. او لعقيدة معينة او لدين معين .. وبعرف انك متأكد ان المشكلة بالأخرين ..
وأن شخصية ” العكيد ” تبع باب الحارة اللي انت معجب فيها بأربع مواسم مسلسلات .. بتعرف انو لو أخدت حريتها رح تدوسك بالطريق وبتفهم ” دون أي حكم فوقي “خوفك ، أن الآخر ” المتخلف ” بدو يسيء استخدام حريته ما إن يحصل عليها ، بس ما شايف معي انك من خوفك الاخر يلغيك بديت انت تلغيه ؟ ” سيبك من الالغاء وهالحكي الكبير .. “

من شو خايف ؟ العنف ؟ فقدانك لحقوقك ؟ من الطائفية ؟ اللامساواة ؟
هدول كلن ” صدقني ما لي مصلحة اكذب عليك ” هدول كلن نتائج مباشرة لغياب الحرية
بدون حرية .. ما في انفتاح ولا في فن ولا مسرح ولا أدب ولا شغل ولا علم ” أي شايف هالدول الكبيرة اللي كلما وصلك منتج من منتجاتها بتتحسر ” هني وين وانت وين ؟ ” .. هني وصلوا لهون وقت صدقوا وأمنوا أنن شعب بيلبقلو حرية
وقت بتغيب الحرية ، بيغيب الوعي ووقت بيغيب الوعي رح يبقى الشعب جاهل ، والجهل ما بيعرف يجي إلا شراكة مع الطائفية والعنف و التعصب ..

وطالما انك مصدق انو شعبنا ما بيلبقلو رح نبقى هون .. مكانك راوح ” هي إذا ما ردت كون واقعية وقلك نرجع لورا كمان ”
ما بيهم قدي انت صادق برغبتك انو البلد يمشي لقدام .. طالما انك مصدق انو شعبنا ما بيلبقلو حرية .. رح نجيب ولاد .. واحفاد .. واحفاد واحفاد .. يضلوا يقولوا
انا والله بدي البلد يصير احسن بس شعبنا ما بيلبقلوا حرية

3 thoughts on “شعبنا بيلبقلو حرية

Add yours

  1. حبيبتي و الله كلامك درر و اليوم بالذات صديقي بالشغل قلي أنو احداث درعا سببها الفيس بوك و تويتر و يوتيوب و انو الحق عالحكومة يلي عطتهن حرية قام انجلقوشو رأيك بهيك تحليل

    Like

  2. يا أخوان الحرية مفهوم نسبي و لا يمكن أن يكون مفهوم مطلق و إلا أصبح الأمر شوربه و فوضى . و الحريه في الكلام هو أنو كل واحد يقول رأيه بصرف النظر عن صحته و عدم صحته لأنو بالكلمة الحرة يجري الإنتقاد و التعرف على مكامن الخطأ ، لكن حرية العمل يجب أن تنظم من خلال القوانين و الأنظمة ، لكن هل القوانين لازم تكون صادرة عن مجلس منتخب من الشعب بطريقة حرة لا يشوبها تزوير كما أنو الحكومه لازم تكون مسؤولة أمام مجلس الشعب . نحن ما نريد مجلس يمسح جوخ للحكومه بل مجلس فيه معارضه يقول للحكومه و يكشف للشعب كل ما يعتبره خطأ . أما مجلس يمسح جوخ للحكومه هادا ما بيصلح الأمور . الحريه و الديمقراطيه مثل جهاز المناعه الموجود في جسم الإنسان و قت بصير مرض في هذا الجسم ينهض جهاز المناعه لمحاربة المرض و كذلك النقد هو جهاز تنبيه لأخطاء الحكومه حتى يجري الإصلام أول بأول . أما الإستقلال بالرأي بدون محاسبه يعني الوصول الى نهايات غير مرغوب فيه و مدمرة للبلد . على كل الموضوع أوسع مما قلت لكن أكتفي بهذا القدر .

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Up ↑

%d bloggers like this: