منذ شهور والناس في بلادي تتغنى بالحرية ..
حينا ً تضع صورة الشاب الذي حُرق على مذبحها
حينا ً تعيد التعرف إلى غيفارا .. إلى الوردة الحمراء
وابتسامة ملء الوجوه ..
زين العابدين
قد هرب ..
بقدرة الشباب ورب العالمين
قد هرب
و صفقوا وهللوا .
. وقالوا بعلو الصوت ..
أن الشعب يوما إذا اراد الحياة
لا بد ان يستجيب القدر
منذ شهور والناس في بلادي تتابع ساحة التحرير
تصفق لساحة التحرير .. تبكي شهداء التحرير
ويعدون ويعدون
ألف ألفين ثلاثة ..
عشرات الالاف ..
وتدمع العيون .. فهؤلاء الشباب .. هم فخرنا
هم عزنا
هم وهم وهم
في بلادي منذ يناير .. تخلينا عن اخبار لبنان الشقيقة
واستعدنا الوفاق مع التوأمة مصر ..
ضحكنا من اعلامها المخزول .. وقصصه القديمة ..
أو تنطلي علينا ؟ حكاياته العقيمة ..
عن جهات خارجية ..
أو فتنة طائفية ..
شجعنا .. هللنا .. صفقنا .. بعلو الصوت أيضا ً ..
فالملحد صلى ركعتين
و المؤمن نسي في غمرة فرحته صلاة العصر ..
فالشعب أخيرا ً قد نال جزاء الصبر
فالشباب وبقدرة الله تمجد وتبارك
.. قد هزموا مبارك
وفي أول يوم جاءنا فاسق بنبأ الحرية ..
فتبينا ، ولاحظنا
اننا لانشبه أخوتنا
فنحن لم نذق من الفساد ما ذاقوا
وفقرائنا يرفلون بالحرير ..
وشبابنا لا يهاجر لا بحثا ً عن علم أو عمل .. أو حلم
فـ حتى الله في فردوسه يغار من أوضاعنا
فالعدو في عقر داره هزمناه
وأرضنا استرجعناها
وأبحاثنا .. وجدت دواء لأمراض لم تكتشف بعد
ومثقفينا ، لم نعد نحتاجهم ..
فكلنا والحمد لله نفهم تماما ً
في كل شؤون الناس إلا شؤوننا
وخاصمنا غيفارا من جديد
ومزقنا حقوق الانسان وحق تقرير المصير
وخوّنا كل من طالب بحرية التعبير
وصلبنا من قال لنا ، أن الشعب يوما إذا أراد ..
فقانون الطوارئ هو الذي يريد أو لا يريد
واستقرارنا ” المزعوم ” هو الذي يريد ولا يريد
وصدقنا أن الجهات الخارجية ” ذاتها التي سخرنا منها “
تستهدفنا
وصرنا كالأطفال قبل النوم .. نبحث عن مندس تحت سريرنا
يحاول استهداف احلامنا
وكنسنا الغبار عن إعلامنا الذي كنا سنين وسنين قد قاطعناه
وصدقناه
ثم صفقنا له .. ولنباهتنا
ونمنا قريري العين .. والدم ينزف من أكمامنا ..
الصورة .. للعلم السوري في ميدان التحرير في مصر
لمحات 
الأخت مرسيل مع أني عندي قناعة أن مصير غيفارا لايختلف عن مصير كاسترو الجميع يدعوا له بالوفاة ولكن ميزته أن أميركا خلصتنا منه بسرعة( وهذا سبب شهرته ) وهذه إحدى ميزاتها القليلة من أنها خلصتنا من الثورجي من دون ثوار بس ماشي صورته على تيشرت أو ميدالية جميلة بس هيك مو أكثر , الموضوع التاني شو عم يعمل العلم السوري بمصر ؟ هي ثورة من القاهرة ولادمشق , طيب ممكن تتفضلي وتزوري المواقع المصرية وتعرفي النفس الطائفي البغيض الموجود ؟ ممكن بهالزيارة تتطرقي بزيارتك على أخبار محافظة قنا المصرية وهجومهم على المحافظ والأسباب معروفة ليش , إذا رح تعتمدي على القاهرة معناتا راحت دمشق .
LikeLike
والله مابقا نعرف مين المنافق ومين لأ….يعني يلي عم يطالب بالحرية بدو العنب ولا بدو يقاتل الناطور يحدد شو بدو بالاول مشان كمان ما نعتبرو منافقبما انو في جدول زمني هالمرة لنتفيذ المطالب الشعبية وفي خطة اصلاحية شاملة وحلوة كتير برأيي فلشو بدنا نحمل السلم بالعرض ونخلي اللي معنا واللي علينا يركب الموجة ويستغلنا ويحرق البلد. وقت اللي ما بتتنفذ الوعود ابقا اطلعو واتظاهرو ضمن القانون اللي رح يكفل حرية التظاهر السلمي اللي ما حدا مختلف عليه.متل ما انت مانك مقتنعة بوجود مندسين وعصابات ومسلحين بس لازم تحترمي مطالب الناس اللي مقتنعا بهالشي وبدها الامان واللي بتشكل لحد الان غالبية هي اذا ناقشتيها ديمقراطيا.ويا اختي حتى لو ما كنتي مقتنعة بس بظن الناس اللي عم تموت كل يوم بسبب الفوضى بتستحق انسانيا اذا ما عجبتك ديمقراطيا منا شوية تروي ونعطي فرصة لتطبق الاصلاحات.دمتي ودام وطننا بالف خير
LikeLike
chris —– غيفارا كان رمز على تغيير المواقف ! اما بخصوص طائفية الشعب المصري فهي شأن مصري يرفضونه او يقبلونه أنا شخصيا لدي كامل الثقة في الشعب السوري ولا اعتقد بحدوث الفتنة الطائفية .. العنيفة 🙂
LikeLike
حتى اليوم لم ياخذ المتظاهرون غير الدم والاعتقال ! الحديث عن الغاء قانون الطوارئ في الصباح والعنف على متظاهرين في كلية الطب مثلا ً في اليوم التالي .. المتظاهرين ما بدن خطابات ! بدن شي عملي عالأرض تغيير الحكومة ما كافي !الحكومة معظمها اسماء مكررة .. والشعب بدو غير شي الناس اللي نزلت قالت \” محاكمة الفساد ، ألغاء قانون الطوارئ ، حرية اعلام ، افراج عن معتلقين سياسيين \” لهلق ! الحديث عن محاسبة وعدم محاسبة احد بخصوص الدم السوري .. الحديث عن الغاء قانون دون الغاءه الحديث عن حرية اعلام وطرد كل الصحفيين ومنعن من التصوير إذا كان في عصابات مسلحة ، معناتا الامن مقصر في حماية سورية معناتا لازم يتحاسبو أنا كمواطن شو ذنبي إذا في تقصير ؟ لازم ماطالب بحقوقي ! … طبعا ً دام وطننا بخير ! اما بحيث حساب الاقلية والاغلبية اللي عم تحكي عنها بدك تستنى يسقط الخوف عن الناس الصامتة وبعدا تحدد مين اكتر 🙂 بس ما دام الخوف سيد الموقف .. ما فينك تقلي انو المظاهرة المليونية هي المعيار ؟الحديث عن الافراج ! وازياد في عدد المعتقلين .. بس الخطاب كان منيح . بس دقيقة الناس ما كان بدا خطاب
LikeLike
ومشان ما تقولي حكي وخطابات بدون فعل وتصديقا لهل الشي حاليا في خبر عاجل بسانا مجلس الوزراء يقر مشروعي مرسومين تشريعيين بإنهاء حالة الطوارئ وإلغاء محكمة أمن الدولة العليا.. ومشروع قانون تنظيم حق التظاهر السلميوهاد اللي كنت عم اقصدو انو عواض ما نكيل الاتهامات ونتسرع باطلاق الاحكام خلينا نشوف بالاول هاد اذا كان بدك العنب مو بدك قتل الناطور
LikeLike
سمعت عن طلاب الطب اللي انضربو تلاتة منن ونقلو للمشفى ؟ بمظاهرة بتحمل \” ورد \” تضامنا مع الطلاب اللي انفصلو ؟ هاد اللي كنت عم اقصدو بأنو خطاب 🙂 الحكي عالتنفيذ
LikeLike
ايه سمعنا عن الطلاب يللي انضربو….و يللي ضربوون هنن مو امن… بس طلاب تانيين و يللي بحب ذكرك انن هنن من هالشعب السوري ال يللي انت شخصيا عندك ثقة كاملة فيه….الفتنة ممكن تجي بأي لحظة و شفنا بوادرها لحديد هلق بحمص و ببانياس و ممكن بأماكن تانية مو معلن عنا…الشعوب بهالمنطقة اذا تعلمت شغلة وحدة بس من هالتاريخ فرح بتكون انو هي ما تعلمت منو شي ابدا
LikeLike
غريب كيف بيحضر طلاب تانيين ومظاهرة مؤيدة وبيكون معها صواعق كهربا ! وبحلب بيخلقو مسيرة زعران مع عصي وهراوات ! وبالعلوم بيخلقو كمان عصي وهراوات !!! انا ما شفت فتنة انا شفت تلفيق
LikeLike
سمعنا عن قصة الطلاب بس كمان سمعنا عن التخريب وحرق السيارات بالمظاهرات وهاد واحد من الفيديوهات الكتيرة اللي بتصور هالشي كمانhttp://www.facebook.com/video/video.php?v=2047664629935&commentsليش المطلوب الواحد يصدق قصة الطلاب وما يصدق التخريب اللي عم يصيروالنقاش رح يطول ورح نرجع لقصة البيضة والجاجة على كل الاحوال الايام القادمة رح تثبت كل شي وما رح قول غير الله يحمي سوريا
LikeLike
لأنو المتظاهرين هني مانن منظمة ! ولا جمعية بتتحمل المسؤولية عن كامل سلوك اعضائها هني مجموعة من الافراد اللي بيسيء للبلد يتحاكم وفق القانون ! بس النظام الامني وعناصر الامن 🙂 مسائلين امام الدولة والشعب ! امين يا رب
LikeLike
المشكلة أنو ممنوع الاعلام يظهر الحقيقة… السؤال الأهم أنو من ايمتى الشعب السوري بيتفرج على التلفزيون السوري وبيعتبرو المصدر الوحيد للحقيقة وبيخون الجزيرة اللي هو نفسو كان عم يصفقلا ويهللا ويعملا قناة الحقيقة الوحيدة وكان يضحك على القناة المصرية مثلا لما تقول عادت الحياة الطبيعية للقاهرة وفي أكتر من 3 ملايين بميدان التحرير…ممكن الجزيرة تكون منحازة للمتظاهرين بس هل الشي مو لانها ضد سورية… لأنها انحازت للشعوب العربية بتونس ومصر وليبيا واليمن…أنا مع الاصلاح وضد اسقاط النظام وبفصل الاصلاح الداخلي… بس بنفس الوقت مافيني قول انو اللي ضد راي وعم ينزل على الشارع هو طائفي او عميل او مخرب…
LikeLike
syria——-بعتقد أنا شخصيا ً انو منع الاعلام لا يحق للحكومة .. وبرأيي من حق الشعب ان يعرف شو عم يصير ! وبرأيي خلت المشكلة ما كأنو في ناس عم تموت أو لأ ؟ المشكلة أنو الجزيرة ولا الدنيا ! فالمعارض بيسب الدنيا والموالي بيسب الجزيرة ! مع انو يعني الوقت حاليا هو للنقاش حول المواضيع المطروحة مو حول وسائل إعلام ! أنا مع انتخابات ديمقراطية بتخلي شعب سوريا يقرر شو بدو ، حتى الشارع ما بيحقلن برايي .. يأسقطو النظام إذا كان السوريين بدن ياه
LikeLike
عزيزتي مارسيل كنت الى لحظات قليلة اعتقد واجزم انهي فاهم اللعبة (؟؟؟؟) ولكن استنتج اني مازلت جاهلا وانهم قادرون بأي لحظة من اخراجي من اللعبة وبالطريقة التي يريدونها على مبدأ(كش …مات ) انا الرب وانا الله وانا الطاعم الكاسي وانا احيي وانا اميت .. وبسبحاني ستسبحون وبحمدي ستحمدون .. ان اهتزيت زلزلت اليابان وربما جزر الباهاما ..اعتذر احس ان التعفن بدأ ينتشر في كياني والموت يزحف الى عقلي (او ما تبقى )يجبني المسلس المكسيكي _انت او لااحد ؟؟؟)
LikeLike
غير معرف ———اي انا كمان يعجبني نفس المسلسل ! اشعر بأنه خيال علمي
LikeLike