تحت سقف الوطن ؟

كلما شفتني وصار بدك نصل لمحل مشترك ، من باب انو تعودنا ما فينا نكون مختلفين ونقبل بعض .. .. بتجي بتقلي لازم كل شي يتم تحت “ سقف الوطن “

ناس بتاكل قتل من تحت الحزام ، وانت لسى مصر “ تحت سقف الوطن “

صفقات عم تتمرق من تحت الطاولة وانت بتعيد عليّ “ تحت سقف الوطن “

والمشكلة بديت وقت اتفقنا انو كلنا تحت سقف الوطن واختلفنا شو هو الوطن ؟

واحد من رفقاتي مصّر أنو صدر حبيبتو هو الوطن وأكيد ما فينا كلنا نكون  بهالحالة تحت سقف الوطن  ؟، والتاني عروبي للنخاع مصر أنو الوطن هو من المحيط للخيج بما فيها جزر القمر إذا بدك ، القومجي بدو سوريا الكبرى وعم يحلم بوطن بيضم قبرص ! في عندي واحد متأكد أنو الوطن هو الكون كلو .. وفي ناس الوطن بالنسبة الها هو شخص واحد وكرمالو عندا استعداد تدمر البلد  كلها فوق راسي وراسك
لهيك شيلك من الشعارات صدقني ؟ شيلك من أنو كل الاطراف معولة على وعي الشعب السوري
وتعا نحكي كلمتين عمليات

ما بيوحدنا تحت سقف واحد يا عزيزي إلا قانون بيضمن حقي وحقك ،قانون ما في حدا فوقو !

الدول ما بيحكمها الشعارات “ المفروض “ ولا النوايا ، ما في شعب منيح وشعب خمس نجوم

اي انت اللي شايف السوريين احسن ناس بالدني غلطان ! وانت اللي شايفن بجم وما بيلبقلن أكيد أكيد غلطان

الشعب منوع ، وتتحافظ الدولة على النظام والمساواة وحقوق الناس في اختراع حضاري هو القانون
أنا بحلم بقانون بيساوي بينك وبيني بالحقوق والواجبات ، قانون ما بينتهك حقوق الانسان اللي سوريا موقعة عليها من سنين
بحلم بمحاكمات عادلة ، لكل حرامي ( مين ما كان يكون ) ولكل مين إيدو ملوثة بالدم

بحلم بقضاء مستقل ونزيه …ما بتحكمو لا الرشاوي ولا المخابرات

بحلم أنا وانت والناس الكبار ، يحكمنا القانون

انت ما بتحلم هيك ؟ معقولة ؟

3 thoughts on “تحت سقف الوطن ؟

Add yours

  1. \”والمشكلة بديت وقت اتفقنا انو كلنا تحت سقف الوطن واختلفنا شو هو الوطن ؟\”بالنسبة إلي جزء كبير من الوطن هو مدونات الشباب أمثالكالله يخليلك حاسوبك ويديم إبداعاتك

    Like

  2. انو ما بحلم يكون في قانون يمشي علي وعلى رامي مخلوف بنفس الدرجة؟؟؟؟……اكيد بحلم…بس معلش اسمحيلي كون (واقعي/اذا بدك متشائم) شوي…..يعني هاد القانون اللي عم تحكي عنو ما هو نص بيصدر عن حكومة , ولا هو لائحة تنفيذية لازم الجهات المختصة بتطبيق القانون تلتزم فيا, يعني هاد القانون بيجي بعد ما المجتمع يكتسب خبرات كتير ويمر بتجارب كتير ويكتشف هويته ويعرف \”وطنه\”….لأنو برأيي ما في مجتمع بيقدر يحط القانون فوق الجميع طالما هدول \”الجميع\” كل واحد وطنو بديرة….اكيد مافي شعب خمس نجوم وشعب مبهدل بالوراثة أو بالجينات….بس في شعب أو مجتمع أكثر خبرة من شعب أو مجتمع آخر….يعني المسألة مسألة وقت….تحياتي الك…..

    Like

  3. الموضوع مامنختلف عليه اذا سقف الوطن ولا لاء , بس الاولويات بتكون في أشخاص بيفضلوا الدين بعدين الوطن أو الطائفة أو القومية أو الفرد أو مصلحته الذاتية أو أو ….. ومقتنعين بوجهة نظرهم أنهم بهال القناعة تحت سقف الوطن وحليها معاهم

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Up ↑

%d bloggers like this: