بدي اتجوز مندس وما باخد منحبكجي ..
هالمندس لو كان منتوف منطلعها درجي درجي
بدي اتجوز مندس ونحكي عن الحرية ..
ونجيب كوشات ولاد بس نخلص من البعثية
هالمندس يا عيني بيسوى مية مليون شبيح
بيعمر بلدو بإيدو ..ويا جبل ما تهزك ريح
اللي من شلة منحبك..صرعني بأمن وأمان
بيرقص و بيدربكلك وانا اتظاهر بالميدان !!!
هالمنحبكجي الجبان .. بيضل خايف من الأخوان
لو قلتلو ” مدنية ” ما بيفهمها هالحيوان
بيقلك بلدنا جنة .. وأنو حاميها ربي ..
وعم يشحد فيزا تيروح ع ها الغربة ..
عالدنيا ليل نهار وما همو كل مين ماتو
رغم الشهدا ،المعتقلين ما استحى ع دماتو
بعد الأخد وبعد الرد .. وشي يسار وشي يمين
بيقلي بشار منيح بس الل جنبو عاطلين ..
بدي اتجوز مندس ، ولو بالفرع مقضيها …
وكلمة حرية منو بالدنيا واللي فيها
P.s فاصل ترفيهي تحشيشي .. جاي من أوفر دوز أحباطي .. فتغيرة شكل .. واللي حابب يلحنها يتفضل
اهداء خاص لصبايا الجروب السري
هههههههههه .. أعجبتني كثيرا .. لأن فيها حس فكاهي ..و أنا أكيد سأتزوج مندسة ^^
LikeLike
عنجد كلام كتير حلو !
LikeLike
عيني ربك عيني مندس وبس والباقي خس بس عجبتني\”هالمنحبكجي الجبان .. بيضل خايف من الأخوان\” لم سألت رفيقي من السلمية بجامعة دمشق شو يعني ما بخافوا من الأخوان قلي شف هالمسخرة الله حيوا كل واحد بطل
LikeLike
اوووووووه لازم نلحنها و نغنيها كل ما حدا فينا تجوز :P\”كلمة حرية منو بالدنيا واللي فيها\”.. برياحة :$
LikeLike
يا ستي في صبية كانت عبالي من فترة وعم حاول مد جسورا معها واتقرب منّا، ومن كم يوم بعمل غوغل لاسما، واذ بتطلع منحبكجية من الطرازالرفيع وتكتب مقالات والذي منّو ويعني مدافعة شرسة عن النظام!! تصوري لو مرتبط فيا هلق شو كان صار فيني؟ شكرا للانتفاضة يلي كشفتنا عن معادن كتير ناس!
LikeLike