رايح يصرلنا سنة تمام يا صديقي والثورة بديانة “ انت مش مقتنع انها ثورة وانا مش عم اعرف لاقيلها اسم يأقنعك لهيك مرقلي ياها “ ، قبل ما تبدا الثورة كنت بتذكر منيح انو انا وانت متفقين انو في فساد بيرعب بيبدا بالعيلة وانت جاي .. وكنا انا وانت متفقين انوللحيطان دانين وانو اللي بيحكي بالبلد بيصير ورا الشمس ! حتى انا وانت كنا متفقين ونمرقها بالمزح وبالغصة أنو اللي بيروح ع شي فرع “ بتصير نمرة رجلو خمسين “ و بياكل “ كم دولاب “
وكنا ياما وياما قاعدين وعم نحكي عن رفقاتنا اللي هاجروا كلن لأنو الوضع بالبلد مستحيل يأسس الواحد فيه لشي ، ورفقاتنا مش جهلة ولا ما تعبو عحالن لأ اغلبن درسوا وتعبوا بس ما في فرص
بس أول ما بديت الثورة وأنت فجأة سكتت وصرت تقلي شغلة اول شي بعز الزحمة والعنفوان والمفاجأة يمكن ما كتير دققت عندها .. كنت تقلي “ كلنا بدنا التغيير بس مو هيك “
وتبدا تفصفصلي ليش “ هيك “ ما عاجبك و شي تقلي مؤامرة وشي تقلي فتنة
اخي ؟ شو مستغرب ؟ انو الناس اللي كانت مستاءة متلنا طلعت ع الشارع ؟ ولا مستغرب انو الشي اللي كان يصير بالقبوصار يصير قدام الكاميرات
بعدين شو طرق التغيير اللي مو هيك ؟ عطينا ؟
إعلام ما في ، أحزاب مافي ، .. “ ما تقلي انو نزلو قوانين ، ما تخلينا نضحك ع بعض … إي أنا لحالي بعرف اكتر من ست اشخاص معتقلين لأنو عندن رأي .. تجي تقلي بدنا نعمل اعلام
وضعنا مش وضع جديد واعتقد بالاربعين سنة اللي مضوا ما كان فيها شي ولاكان في ناس بالشوارع ورغم هيك غير “ الجزرة “ ما حدا عطانا
شي وعود بـ “ ربيع “ طلع قصير ، شي “ تطوير وتحديث “ ، وشي “ محاربة فساد “ .. وصدقني “ الاصلاح “ ما بيفرق عن هدول بشي
ما في إلنا غير الشارع وهاد حقنا !
وع كل أخي .. إذا بعدك مقتنع بعد سنة انوالتغيير مو هيك ؟ تعا وسمعنا صوتك ! شور علينا بطرق تانية ، ابدع محل ما انت شايف نحنا قصرنا
بس اعمول شي
قلنا اخي .. مو هيك ، طيب كيف ؟
لمحات 
أقتبس من مدونتي https://sites.google.com/site/domdomyapoom/3–jdl\”أريدك أن تعرف إني مثلك لا املك الجواب على كل الاسئلة ولكني اعرف أن علي أن أتحرك باتجاه ما قبل فوات الأوان، قد نختلف على الاتجاه الذي سنتخذه وهو ماقد يخلق لنا بعض المنغصات، لكننا سنتفق بعد حين لأننا سنكتشف أن طريقنا واحد، وأريد أن أضيف أننا لابد مختلفون عن بعضنا ولكن هذا موضوع أخر لندعه جانبا الأن ونفكر بإنقاذ السفينة، \”
LikeLike
اللهم فرج كرب اخواننا و لم شملهم
LikeLike
انتظرت أن تثمر كميات الكتب المخصصة للقراءة شهرياً بتحليل عميق شامل علمي واقعي لما يحصل على الساحة السورية .. و لكن أعتقد أنها ليست صدفة أبدا أن كل المحتفلين بكميات الكتب المقروءة .. هم ثورجيين ..لم أتفاجأ أبدا بالموقفلكني في الحقيقة تفاجأت بكمية السذاجة بالتعاطي مع ما يحصل .. هل ما حصل و يحصل في البلاد منذ بداية الأحداث (إي منذ سنة ) كان بهدف تغيير الواقع الذي تحدثتي عنه ؟هل جنون العالم كله .. و استنفاره كان بهدف تغيير هذا الواقع ؟ ظننت للحظة إني تسرعت في كتابةالتعليق .. و انه من الممكن ان تكون المقالة قديمة تعود إلى السنة الماضية .. لأنه من الصعب أن أصدق هذا المستوى من التحليل بعد مرور عام ..
LikeLike