يارب


يارب
بهاللحظة بالسما في قذيفة عم تطلع ، نحنا هون عم نسمع صوتها وبس
يارب بلكي بتضل هالقذيفة طريقها وبتنزل ع شي أرض فاضية أو يمكن ع بيت ما فيو أهل وناس

يارب
كل طفل بهالضيعة اللي عم ينزلوا عليها هالقذائف أنت من عندك عطيه القدرة يغمض عيونو ويغفى بسلام … وأنو هالصوات اللي قريبة كتير عليه يحسبها شي لعبة ..

يارب
هالناس اللي رح تترك هالبيوت اللي عم تنقصف وتتغرب انت كون معها ، اجمعها بناس تحتويها وتفتحلها بيوتها

واعطيهن أيام حلوّة ع قد المر اللي شافوا

يارب
الشخص اللي واقف بهالدبابة وعم يقصف هالناس، انت غيّر قلبه وأنت اهديه .. يارب هاد اكتر واحد مسكين فينا ع قد ما مشوّه من عندك يارب اشفي التشوه اللي طال روحو ..

يارب
عطينا القوة نحنا الناس اللي عم نسمع .. نقدر نعمل أي شي يمنع الظلم ع الناس ، عطينا القوة نقدر نحافظ ع انسانيتنا لما نكون نحن شي يوم واقفين عم نقصف حدا تاني
وكون معنا  يارب

7 thoughts on “يارب

Add yours

  1. و شو منشان جماعة الجيش الحر …. الله يهيديون كمان و يبطلو تفجير و ترهيب بهالعالم و لا هي مو محسوبة

    Like

  2. مرسليتا,نثرتي كلماتك هذه وكأنك كنت تعرفين بأن أمك على موعد مع رصاصهم، قتلوها ولم يعرفوا انك قبل ايام فقط كنت تطلبين الرحمة لهم، وكنت تطلبين من الرب ان يغير قلب هذا الجندي الذي يصوب سلاحه على الناس من فوق دبابته،كثيرين قتلوا يامرسيلتا، كثيرين ماتو، وكثيرين اختفو، كلهم سوريين، سوريين قتلو دفاعا عن سوريتهم، لكن أمك يامرسيل، يونانية سورية تقتل دفاعا عن السوريين،مرسليتا، ما اشد الموت الذي نقف امامه مشدوهين غير قادرين على الحزن، ما اصعب الموت الذي يزيد فينا الغضب، ويزيد فينا لحظة انتظار يقتل فيها القاتل،ماريال شحوار!!! اي حلم جعلك تسيرين إلى مكان ينتشر فيه القتلة والغاصبين، ماريال شحوار، اسم أخر يضاف إلى لائحة الشرف، قد اضافو قبله كلمة يونانية، كما اضافو كلمة المسيحي قبلها لباسل شحادة، لكنهم يعرفون انك سورية اكثر من السوريين، سورية لدرجة قررت الموت فداء حرية هذا الشعب الثائرماريال ايتها الغائبة الحاضرة ليتغمدك الرب برحمته!!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Up ↑

%d bloggers like this: